Lo Bengala Occidental (en bengalin: পশ্চিমবঙ্গ, en indi: पश्चिम बंगाल /poʃtʃim bɔŋɡo/) es un Estat de la Republica d'Índia situat dins lo nòrd èst del país.
Amb mai de 91 milions d'abitants (en 2011), es lo quatren Estat mai poblat d'Índia. Ten una superfícia de 88 752km2. Fa partit de la region etnolingüistica de Bengala del sos-continent indian, a la frontièra entre Bangladesh a l'èst, e Nepal e Botan al nòrd. Confronta tanben los Estats indians d'Odisha, Jharkhand, Bihar, Sikkim e Assam. La capitala de l'Estat es Calcuta, la setena pus granda vila d'Índia e lo centre de la tresena pus granda region metropolitana del país. Pe çò qu'es de la geografia, lo Bengala-Occidental compren la region dels pueges del Darjeeling imalaian, lo dèlta de Ganges, la region de Rarh e los Sundarbans costièrs. Los bengalis constituisson lo grop etnic principal, la majoritat demografica essent los indòs de Bengala.
.svg)
Índia